ഹിപ്നോട്ടിസം ആവിര്ഭവിച്ച കാലഘട്ടം
ഹിപ്നോട്ടിസത്തെ കുറിച്ചുള്ള ചില തെറ്റിധാരണകളെയും, തെറ്റായ അവകാശവാദങ്ങളെയും കുറിച്ചുള്ള വിശദീകരണം ആണ് ഈ ലേഘനം. ഹിപ്നോട്ടിസം ആവിര്ഭവിച്ച 1700 കാലഘട്ടം മുതല് തന്നെ അതിനെ കുറിച്ചുള്ള ധാരാളം അബദ്ധ ധാരണകളും പ്രചരിച്ചിരുന്നു.അതിന്ദ്രിയവും, അമാനുഷികവും ആയ ചില സിദ്ധികളിലൂടെയാണ് ഒരു വ്യക്തിയെ ഹിപ്നോസിസിനു വിധേയമാക്കുന്നത് എന്നാണ് ഇന്നും പലരും ധരിച്ചിരിക്കുന്നത്.ജാലവിദ്യകളിലെ ചില പ്രകടനങ്ങളും, കെട്ടു കഥകളില് കേട്ടിട്ടുള്ള സംഭവങ്ങളും ഒക്കെ തന്നെയാണ് ഇത്തരം തെറ്റിദ്ധാരണകള്ക്ക് കാരണം.ചില തന്ത്രങ്ങള് (techniq), ഉപകരണങ്ങള് (equipments) , രാസ പദാര്ഥങ്ങള് (chemicals) എന്നിവ എല്ലാമാണ് വാസ്തവത്തില് ഇത്തരം പ്രകടനങ്ങളുടെ എല്ലാം പിന്നില് ഉള്ളത്. ഇവയെ കുറിച്ചുള്ള അജ്ഞത കൊണ്ട് തന്നെയാണ് ഇന്നും പലരും ഹിപ്നോട്ടിസത്തെ ഭയപ്പാടോടു കൂടി നോക്കി കാണുന്നത്. ജാല വിദ്യയുടെ ആധുനിക പരിവേഷം അണിഞ്ഞ ചിലരെങ്കിലും ഇന്നും ഹിപ്നോട്ടിസത്തെ തെറ്റിദ്ധാരണജനകമായി അവതരിപ്പിച്ചു കാണുന്നുണ്ട്.മുകളില് സൂചിപ്പിച്ച പോലെയുള്ള മാര്ഗങ്ങളിലൂടെ അവതരിപ്പിക്കുന്ന പല ജാലവിദ്യകള്ക്കും ഹിപ്നോട്ടിസത്തിന്റെ പരിവേഷം നല്കി കാണാറുണ്ട്.