പച്ചക്കറികള്‍ പച്ചക്ക് തിന്നരുത്
ഇൗ പച്ചക്കറികള്‍ പച്ചക്ക് തിന്നരുത്
ചില ഭക്ഷണപദാര്‍ഥങ്ങള്‍ പച്ചക്ക് തിന്നുന്നത് വേവിച്ച്‌ കഴിക്കുന്നതിനേക്കാള്‍ ഗുണം ചെയ്യാറുണ്ട്. എന്നാല്‍ പച്ചക്ക് കഴിക്കുന്നത് ദോഷകരമായ ഭഷ്യവസ്തുക്കളുമുണ്ട്. ഇവ പച്ചക്ക് കഴിക്കുന്നത് ആരോഗ്യത്തെ ദീര്‍ഘകാലാടിസ്ഥാനത്തില്‍ പ്രതികൂലമായി ബാധിക്കും. ഭക്ഷണത്തില്‍ പച്ചക്കറി ഇനത്തില്‍പെട്ടവ ഉള്‍പ്പെടുത്തുമ്ബോള്‍ വേവിച്ചിട്ടുണ്ടെന്ന് ഉറപ്പുവരുത്തുക. പച്ചക്ക് കഴിക്കാന്‍ പാടില്ലാത്ത ഏതാനും ഭക്ഷ്യവസ്തുക്കള്‍ ഇവയാണ്:
1. ഉരുളക്കിഴങ്ങ്
പച്ചക്കറികളിലെ രാജാവായാണ് ഉരുളക്കിഴങ്ങ് അറിയപ്പെടുന്നത്. വഴറ്റിയോ പൊരിച്ചോ പുഴുങ്ങിയോ ഇവ കഴിക്കാം. മണ്ണിനടിയില്‍ വിളയുന്നവയായതിനാല്‍ മറ്റ് പച്ചക്കറികളേക്കാള്‍ ഇവയില്‍ വിഷാംശം കയറിക്കൂടാന്‍ സാധ്യതയുള്ളതിനാല്‍ പച്ചക്ക് കഴിക്കുന്നത് അപകടകരമാണ്. പച്ചക്ക് കഴിക്കുന്നത് വഴി ഇവയിലെ ഉയര്‍ന്ന അന്നജം ശരീരത്തിലെത്തുകയും ദഹിക്കാന്‍ ബുദ്ധിമുട്ടാവുകയും ചെയ്യും.
2. ചീര
ചെറുപ്രാണികളുടെയും ബാക്ടീരിയകളുടെയും സാന്നിധ്യത്തിന് സാധ്യതയുള്ളതിനാല്‍ ചീര പച്ചക്ക് കഴിക്കുന്നത് അപകടം ചെയ്യും. തിളപ്പിച്ചോ വഴറ്റിയോ ഇവ കഴിക്കാം. ചീര വേവിക്കുന്നതോടെ ഇവയിലെ കൂടുതല്‍ ആന്‍റി ഒാക്സിഡന്‍റ് ഘടകങ്ങള്‍ ഭക്ഷണത്തിലൂടെ ലഭിക്കുന്നു.
3. തക്കാളി
മനുഷ്യര്‍ക്ക് ലഭിച്ച മികച്ച പഴങ്ങളില്‍ ഒന്നാണ് തക്കാളി സാന്‍റ്വിച്ച്‌, സാലഡ് എന്നിവയില്‍ മുന്നിലും തക്കാളി തന്നെയാണ്. എന്നിരുന്നാലും തക്കാളി വേവിക്കുന്നതിലൂടെ ഇവയില്‍ അടങ്ങിയിരിക്കുന്ന ലൈസോഫെന്‍ ശരീരത്തിന് വേഗത്തില്‍ സ്വീകരിക്കാന്‍ സാധിക്കും. ഒട്ടേറെ ആരോഗ്യഗുണമുള്ള ഘടകമാണ് ലൈസോഫെന്‍.
4. കാരറ്റ്
മണ്ണിനടിയില്‍ വളരുന്നവയായതിനാല്‍ പച്ചക്ക് കഴിക്കുന്നത് ഒഴിവാക്കുന്നതാണ് നല്ലത്. വേവിക്കുന്നതിലൂടെ കാരറ്റിലെ ബീറ്റാകരോട്ടിന്‍ കൂടുതലായി ഭക്ഷണത്തിലൂടെ ശരീരത്തിലെത്തുന്നു. ഇത് വിറ്റാമിന്‍ എ ആയി മാറുകയും കാഴ്ച ശക്തിക്കും രോഗപ്രതിരോധ ശേഷിക്കും സഹായകമായി മാറുകയും ചെയ്യുന്നു.
5. കൂണ്‍
പലരും കൂണ്‍ പച്ചക്ക് തിന്നാറുണ്ട്. എന്നാല്‍ ഇവ ദഹനത്തിന് പ്രശ്നങ്ങളുണ്ടാക്കും. വേവിക്കുന്നതോടെ ഇവയിലെ കോശഭിത്തികളെ ഇല്ലാതാക്കാനും കൂടുതല്‍ പോഷക ഗുണത്തെ പുറത്തെത്തിക്കാനും സഹായിക്കുന്നു.
6. കോളിഫ്ലവര്‍
വ്യാപകമായി പച്ചക്ക്തിന്നുന്ന പച്ചക്കറി ഇനമാണ് കോളിഫ്ലവര്‍. എന്നാല്‍ വേവിക്കാതെ കഴിക്കുന്നത് ദഹിക്കാന്‍ ബുദ്ധിമുട്ടുണ്ടാക്കും. വേവിക്കുന്നതോടെ വിവിധ പോഷക മൂല്യങ്ങള്‍ പുറത്തുവരാന്‍ സഹായിക്കുകയും ചെയ്യുന്നു.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ