beer ബിയര്
ബിയര് beer
ബിയറിലെ ആല്ക്കഹോള് ശതമാനം 3 മുതല് 30 ശതമാനം വരെയാകാം. സാധാരണ 3-8 ശതമാനം വരെയാണ്. ബ്രൂവിങ്ങ് , ഫെര്മന്റേഷന് എന്നീ പ്രക്രിയകളിലൂടെ ധാന്യങ്ങളില് നിന്നുള്ള അന്നജത്തെ പുളിപ്പിച്ച് തയ്യാറാക്കുന്ന മദ്യമാണ് ബിയര്. ഹോപ്(hop) എന്ന പൂവിന്റെ ഘടകങ്ങളിട്ടാണ് ബിയറിന് പ്രത്യേകരുചി നല്കുക. ഗോതമ്പ് , ചോളം ബാര്ലി എന്നീ ധാന്യങ്ങളാണ് ബിയര് നിര്മ്മാണത്തിന് ഉപയോഗിക്കുന്നത്. ഹോപ് ആണ് ബിയറിന് ഇളം കയ്പു നല്കുന്നത്. ഇതു ബിയര് കേടാകാതിരിക്കുവാനും സഹായിക്കും. പുളിപ്പിക്കാന് ഉപയോഗിക്കുന്ന യീസ്റ്റ് അനുസരിച്ചാണ് ബിയറിനെ തരം തിരിക്കുന്നത്. പെട്ടെന്നു പുളിച്ചു കിട്ടുന്ന യീസ്റ്റ് ഉപയോഗിച്ചുണ്ടാക്കുന്ന ബിയറാണ് എയ്ല് (ale). പതുക്കെ പുളിപ്പിക്കുന്ന യീസ്റ്റുകൊണ്ട് ഉണ്ടാക്കുന്ന ബിയറാണ് ലാഗര്. കുപ്പിയില് ആക്കുന്ന സമയത്ത് ബിയറിനെ കാര്ബണ് ഡൈ ഓക്സൈഡ് നിറയ്ക്കുന്നു. 7 ഡിഗ്രി സെല്ഷ്യസില് ഉള്ള ബിയര് വെല് ചില്ഡ് ബിയര് എന്നും 8 ഡിഗ്രി യില് ഉള്ള ബിയര് ചില്ഡ് ബിയര് എന്നും അറിയപ്പെടുന്നു.
നിയമ പ്രകാരമുള്ള മുന്നറിയിപ്പ്: മദ്യപാനം ആരോഗ്യത്തിനു ഹാനികരം
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ